About Contact Links
Close
बिज्ञापन
सरकारी बिक्रि केन्द्रबाटै बेचिन्छ कुहिएको चामल

नरजन तामाङ मंगलबार, माघ १३, २०७७ मा प्रकाशित

हुम्ला-सुर्खेतबाट मुगुको सोरुकोट हुँदै हुम्लाको सर्केगार्ड गाउँपालिका-१ बालुकुना बिक्रि केन्द्रको चामल कुहिएको भेटिएको छ ।

हुम्लाको बालुकुना बिक्रि केन्द्रबाट उपभोक्तालाई कुहिएको चामल विक्रि भएको पाइएको छ । मुगुको सोरुकोटबाट खच्चरमार्फत हुम्लाको बालुकुना बिक्रि केन्द्रबाट ठेकेदारले कुहिएको चामल उपभोक्तालाई बिक्रि गरेको जनाइएको छ ।

हिमाल निर्माण सेवा मुगुका ठेकेदार प्रदिप टमटाले कुहिएको चामल जनतालाई बिक्रि गर्ने गरेका छन् । सर्केगार्ड गाउँपालिका–१ जैरबाट ४ घण्टा पैदल हिँडेर चामल लिन बालुकुना पुगेका स्थानीय धनगडी बमले गुनासो गरे ।

ठेकेदारले हतारहतार गरी बिक्रि गरी मुुगु जिल्ला फकिएको छ । अधिकाश उपभोक्तले चामल किनेर घर पु¥याइ सकेपछि थाहा पाएका छन् ।

चामल डल्ला र घुन लागेर खान नमिल्ने खाल्को भएपछि गाईभैसीलाई खुवाएको सर्केगार्ड गाउँपालिका–१ का स्थानीय दिलबहादुर कार्कीले बताउनुभयो ।

माथिल्लो भाग हेर्दा चामल राम्रै देखिन्थ्यो बिच र तल्लोमा काम नलाग्ने कुहिएर डल्ला डल्ला परेको रहिछ खबरसबैको सँग भने ।

फिर्ता गर्ने धेरै समय लाग्ने भएकोले फिर्ता गर्ने नसकिने भएपछि अधिकांश उपभोक्ताहरुले चामल गाईभैंसीलाई खुवाउन बाध्य भएको कार्कीको भनाइ छ । ठेकेदारले जहाँ पायो त्यही गोदाम बनाएर थन्काएर राखेपछि यस्तो समस्या खेप्नु परेको उपभोक्ताहरुले दुखेसो गर्दै आएका छन ।

ठेकेदारको लापरबाही

सुर्खेतबाट गाडीमा मुगुको सोरुकोट सम्म गाडीमा र सोरुकोटबाट खच्चर ढुवानी गरी हुम्लाको सर्केगार्ड गाउँपालिका–१ को बालुकुना बिक्रि केन्द्रसम्म ३ सय २० क्विन्टल चामल र्पुयाउने ठेकेदार प्रदिप टमटाले जानकारी दिनुभयो ।

गाडीमा भिजेको हुनसक्ने हिमाल निर्माण सेवा मुगुका प्रदिप टमटाले स्वीकार गरे । “गाडीवालाको लापरबाही हो” उनले खबरसबैकोसँर्ग जानकारी दिए ।

कुहिएको आधा चामल जैरको खच्चामा त्रिपालले छोपेर राखेको ठेकेदार टमटाले बताउनभुयो ।

‘२५ बोरा ७ क्विन्टल सर्केगार्ड जैरको खच्चामा छोपेर राखेको छु’( उनले भने ।

ठेकेदार टमटालाई मुगु जिल्लाको सोरुकोटमा १ हजार र मुगु जिल्लाकै कार्मारुम १ हजार र मुगु जिल्लाकै बिक्रि केन्द्रमा ९ सय क्विन्टल चामल र्पुयाउन हतार गरेको आरोप लागेको छ ।

बिक्रि केन्दबाटै बिक्रि हुन्छ कुहिएको चामल

सरकारी खाद्य व्यवस्था तथा व्यापार कम्पनीबाट हुम्लाका उपभोक्त ठगिदै आएका छन् । एक महिना पहिले सर्केगार्ड गाउँपालिकास्थित सर्केगार्ड डिपोबाट १ हजार ३ सय ५० रुपैया पर्ने चामल ठेकेदारले दुई हजार मुल्यमा बिक्रि गरेको थियो ।

सर्केगार्ड डिपो कर्मचारी नभएपछि ठेकेदारले मनपरी रुपमा चामल बिक्रि गरी उपभोक्ताबाट रकम असुल्ने गरेको पाइएको छ ।

१ हजार ३ सय ५० रुपैया पर्ने खाद्य व्यवस्था तथा व्यापार कम्पनीको चामल २ हजार रुपैया तिरेर आफुले किनेको सर्केगार्ड गाउँपालिका–५ का गगन सिंहले जानकारी दिए ।

८ बोरा चामल १६ हजार रुपैँया तिरेर लिएको सिंहले दुखेसो गरे । ठाउँ ठाउँमा बुझ्दा ठेकेदारले बाँकी पैसा फिर्ता दिएको सिंहको भनाइ छ । यसरी नै उपभोक्त खाद्य व्यवस्था तथा व्यापार कम्पनीबाट ठगिँदै आएका छन ।

गत वर्ष अदानचुली गाउँपालिकाको श्रीनगर डिपोबाट किनेको चामलको भात खानै नहुने अमिलो भएकोले पैसा मात्रै खेर गएको अदानचुली गाउँपालिका–५ करगाई गाउँका पुनबहादुर छत्यालले दुखेसो गरे ।

गत वर्ष श्रीनगर डिपोबाट चामल किनेर खार्पुनाथ गाउँपालिका–३ रायाँका दीपक बुढाले पाँच क्विन्टल चामल किनेर ल्याएको कुहिएको भेटिएपछि त्यतिकै पैसा मात्रै खेर गरेको उनले बताए । पाँच क्विन्टल चामल कुहिएको परेपछि तनाव मात्रै भएको बताए ।

सिमकोट शाखा कार्यालय के भन्छ ?

खाद्य व्यवस्था तथा व्यापार कम्पनी सिमकोट कार्यालय गैह्रजिम्मेवार कुरा गर्दै आएको छ । कर्मचारी नहुँदा केही समस्या भएको कार्यालयको स्वीकारोक्ति छ । चामल सम्बन्धित स्थानमा ल्याउँदा ठेकेदारलाई जिम्मा दिएको सिमकोट शाखा कार्यालय हुम्लाका शाखा प्रमुख निर्मल थापाले बतानुभयो ।

“शाखामा दुई जना मात्रै कर्मचारी छौं, डिपोमा कर्मचारी छैना हामीले सबैतिर ध्यान र्पुयाउन नसकेको शाखा प्रमुख थापाको भनाइ छ । “ठेकेदारले बिक्रि गरेको भए ठेकेदारको जिम्मा हुन्छ सम्बन्धित ठेकेदार जिम्मा लिनुपर्छ”थापाले बताउनुभयो ।

“खाद्यन्न ठेकेदारले उठाउँदा जिम्मेवार भएर ल्याउनुपर्छ” उनले खबरसबैको सँग भने । गाउँ गाउँबाट उपभोक्ताले शाखा कार्यालय सिमकोट जानकारी दिँदादिदै पनि सिमकोट शाखा मौन भएर बसेको छ । कति उपभोक्तालाई कुहिएको चामल बिक्रि गर्छन त कतै महँगो रकम ठेकेदारले असुल गर्दै आएका छन ।

जिल्लास्थित सरोकारवाला निकाय यस विषयमा चिन्ता र चासो नदेखाएपछि हुम्लाका उपभोक्ता ठगिन बाध्य छन । डिपोहरुमा कर्मचारी नभएपछि ठेकेदारले मनोमानी रुपमा चामल र्पुयाउन मनपरी रुपमा वितरण गर्ने गरेका छन ।।

सम्बन्धित

प्रधान सम्पादक

पदम राज हमाल

९८४८७३५९९१

 

कानुनी सल्लाहकार

राजन चन्द

 

 

Twitter

Facebook

 

खबर सबैको मल्टिमिडिया प्रा.लि, सिमकोट – ५, हुम्ला
सुचना विभाग दर्ता नंः   १७५६

 विज्ञापन तथा सुचनाका लागि :

इमेलः [email protected]

सम्पर्क नंः ९८४८१३९४९७