About Contact Links
Close
बिज्ञापन
तामाङ समुदायको नयाँ वर्ष आज सोनाम ल्होछार

Khabarsabaiko मंगलबार, माघ २२, २०७५ मा प्रकाशित

खबरसबैको संवादाता माघ २२
काठमाडौं – तामाङ समुदायको नयाँ वर्ष अर्थात् सोनम ल्होछार आज बाट देशै भरि शुरु भएको छ ।
हरेक वर्ष माघ शुक्ल प्रतिपदा अर्थात ख्रेला छेपा गिकका दिन सोनाम ल्होछार मनाउने गरिन्छ । ल्होछारको अवसरमा आज घरघरमा पुजापाठ, खानपिन, ठुलाबडाबाट टिका तथा आर्शिवाद ग्रहण, शुभकामना आदानप्रदान र समुहिक रुपमा पनि विविध कार्यक्रम आयोजना गरी मनाउने चलन छ । चन्द्रमासमा आधारित मञ्जुश्री पात्रोअनुसार आजदेखि कुकुर वर्षलाई विदाई गरी सुँगुर वर्षलाई स्वागत गरिएको छ । यो २८५५औँ सोनाम ल्होछार हो । ल्होछारका १२ वटै वर्ष पशुपक्षीको नामबाट गणना गरिएको अनुसन्धाता टीका शेर्पाले जानकारी दिए। सोनाम ल्होछारलाई मुसा, गाई, बाघ, बिरालो, गरुड, सर्प, घोडा, भेडा, बाँदर, चरा, कुकुर र सुँगुर गरी १२ वर्षमा विभाजन गरिएको ल्होछार मूल आयोजक समितिकी वरिष्ठ उपाध्यक्ष बेली लो तामाङले बताइन्।
ल्होछारको अवसरमा नेपाल तामाङ घेदुङलगायत संस्थाले टुँडिखेलमा आज विशेष कार्यक्रम आयोजना गर्ने जानकारी गराएको छ । सोनाम ल्होछार महोत्सवमा तामाङ जातिको खाना, वेषभूषा, कला संस्कृतिलगायत प्रदर्शन गर्ने तयारी गरेको छ । मंगलबार दिउँसो १ बजे टुँडिखेलमा हुने कार्यक्रममा प्रधानमन्त्री केपी शर्मा ओलीले सम्बोधन गर्ने कार्यक्रम रहेको मूल आयोजक समितिले जनाएको छ । यो अवसरमा प्रदेश ३ सरकारले मंगलबार सार्वजनिक बिदा दिएको छ।

सम्बन्धित

————————————————————–

————————————————————–

प्रधान सम्पादक

पदम राज हमाल

९८४८७३५९९१

————————————————————–

कानुनी सल्लाहकार

राजन चन्द

 

=====================================================================================================================================================================================================================================================================================================================================================

Twitter

Facebook

 

खबर सबैको मल्टिमिडिया प्रा.लि, सिमकोट – ५, हुम्ला
सुचना विभाग दर्ता नंः   १७५६

 विज्ञापन तथा सुचनाका लागि :

इमेलः [email protected]

सम्पर्क नंः ९८४८१३९४९७