Share this:

" /> बाजुरामा जीप खस्दा चारजनाको मृत्यु एक जना बेपत्ता – Khabarsabaiko
About Contact Links
Close
बिज्ञापन
बाजुरामा जीप खस्दा चारजनाको मृत्यु एक जना बेपत्ता

राजेन्द्र नेपाली बिहिबार, पौष १७, २०७६ मा प्रकाशित

बाजुरा

बाजुराको हिमाली गाउँपालिकामा भएको जीप दुर्घटनामा पाँचजनाको मृत्युभएको छ । जीप कर्णाली नदीमा खस्दा चारजनाको घटनास्थलमै मृत्यु भएको हो । से १ ज १०६४ नम्बरको जीप आज दिउँसो कर्णाली नदीमा खसेको जिल्ला प्रहरी कार्यालय बाजुराका प्रहरी नायब उपरीक्षक उद्धवसिंह भाटले जानकारी दिनुभयो । मृत्यु हुनेमा मुगुको कर्मारोङ गाउँपालिका ८ का पेमा लामा, बाजुराको हिमाली गाउँपालिका वडा नम्बर ६ का पवन भण्डारी, बाजुराकै जगन्नाथ गाउँपालिका ५ का २७ वर्षका जीप धनी एवम चालक रमेश शाही र कैलालीको मोहन्याल गाउँपालिका ५ का ३३ वर्षका दिनेश घर्तीमगर रहनुभएको छ । प्रहरीका अनुसार दुर्घटनामा चारजना घाइते छन् भने एक जना बेपत्ता रहेका छन् । दुईजनाको अवस्था गम्भीर छ । बेपत्ता हुनेमा बाजुराको स्वामीकार्तिक गाउँपालिका ४ का १२ वर्षका सुशिला विक रहनुभएको छ । गम्भीर घाइते भएकालाई थप उपचारका लागि नेपाली सेनाको हेलीकोप्टरमार्फत बाँकेको कोहलपुर लगिएको डिएसपी भाटले  जानकारी दिनुभयो ।

 

सम्बन्धित

Skip

प्रधान सम्पादक

पदम राज हमाल

९८४८७३५९९१

 

कानुनी सल्लाहकार

राजन चन्द (डम्मर)

 

 

Twitter

Facebook

 

खबर सबैको मल्टिमिडिया प्रा.लि, सिमकोट – ५, हुम्ला
सुचना विभाग दर्ता नंः   १७५६

 विज्ञापन तथा सुचनाका लागि :

इमेलः [email protected]

सम्पर्क नंः ९८४८१३९४९७