कर्णाली प्रदेशको विकासको लागि डटेर लाग्ने– नेता शर्मा

खबरसबैको, संवाददाता
सुर्खेत आसोज २६ गते

कर्णाली प्रदेशको विकासका लागि डटेर लाग्ने नेकपाका कर्णाली प्रदेश इन्चार्ज जनार्दन शर्माले बताएका छन् । प्रदेश विजयादशमीको अवसर पारी प्रदेश राजधानी सुर्खेत, वीरेन्द्रनगरमा आयोजित शुभकामना आदानप्रदान कार्यक्रममा क्षमता र अधिकार प्रयोग गरेर उत्कृष्ट कर्णाली प्रदेश बनाउने तयारी भईरहेको इन्चार्ज शर्माले बताए। कर्णाली प्रदेश सरकार र विज्ञ समूहबीचको चौथो बैठकका लागि सुर्खेतमा आउनुभएका इन्चार्ज शर्माले “हाम्रो कर्णाली हामी आफैँ बनाउँछौँ”, उनले भने, “यसका लागि यहाँस्थित सबैले योगदान पु¥याउनु पर्दछ ।”
उनले कर्णाली प्रदेश सरकारसँगको बैठकमा सरकारको आवश्यकतामा मद्दत गर्ने, प्रदेशको सरकारको संरचना निर्माणमा सहयोग पु¥याउने बताए । कर्णाली विकासको लागि ५–१५–५० वर्षीय रणनीति तथा व्यवस्थित योजना निर्माण गर्ने निर्णय गरेको बताए । योजना माग गर्नु भन्दा कार्यान्वयन र परिणामसमेत महत्वाकाङ्कक्षि हुनुपर्नेमा शर्माले जोड दिनु भयो । उहाँले भन्नु भयो कर्णाली प्रदेशमा अहिले सम्म पूर्वाधारका र जनशक्ति अभाव देखिएको छ । अहिले कर्मचारीको पुनःसंरचना समेत हुनसकेको अबस्थामा सङ्घर्ष र छलफलका बीचबाट रुपान्तरणको अभियान शुरु गर्ने शर्माले बताए । कर्णाली प्रदेशमा ३३ प्रतिशत मात्र कर्मचारी आएको हुनाले अब प्रदेश सरकारले आफँैले कर्मचारी भर्ना गर्ने बाटो खुलेको बताउनु भयो । नेकपाको कमिटीले तल्लोस्तरसम्म पूर्णता नपाएको र पार्टी स्थायी कमिटीको आगामी कात्तिक ४ गते बस्ने बैठकले सबै टुङ्गो लगाउने तयारी रहेको जानकारी दिनु भयो । कार्यक्रममा शर्माले अब पाटीभित्र कुनै गुट,उपगुट नहुने र यो विधि विधानसँग चल्ने ठोकुवा गर्नु भयो । कार्यक्रममा पूर्व महान्यायाधि वक्ता मुक्ति प्रधान, डा गोविन्द वियोगीका,डा कुशेन्द्र महत र डा पुण्य रेग्मीसहभागिता रहेको थियो ।