About Contact Links
Close
बिज्ञापन
हिल्सा सीमा सुरक्षामा खटिएका प्रहरीचौकी फर्कियो सदरमुकाम

नरजङ तामाङ बुधबार, मंसिर ०३, २०७७ मा प्रकाशित

हुम्ला– चीन–नेपाल सीमा सुरक्षामा खटिएको प्रहरीचौकी हिल्साको टोली सदरमुकाम सिमकोट फर्किएको छ । चिसो बढेसँगै बस्न कठिन भएको भन्दै हिल्सा प्रहरीचौकी सदरमुकाम सिमकोट फिर्ता भएको हो ।

उत्तरी नाम्खा गाउँपालिकाको हिल्सा नाकामा रहेको प्रहरीचौकी चिसो माइनस पुगेपछि सदरमुकाम सिमकोट सारिएको जिल्ला प्रहरी कार्यालय हुम्लाका प्रहरी नायब उपरिक्षक सुर्यप्रकाश सुवेदीले जानकारी दिए ।

प्रहरी नायव निरिक्षक जङगबहादुर आलेको नेतृत्वमा रहेको १४ जनाको टोली मंगलबार सदरमुकाम सिमकोट पुगेको जिल्ला प्रहरी कार्यालय हुम्लाका प्रहरी नायब उपरिक्षक सुवेदीले बताए ।

सीमा सुरक्षामा खटिएको हिमालपारीको सुनखानीमा रहेको प्रहरीचौकी कार्तिक महिनामै सदरमुकाम सिमकोट फिर्ता भईसकेको भएपनि हिल्सा नाकामा खटिएको प्रहरीचौकी मंगलबार सीमा छोडेर जिल्ला सदरमुकाम सिमकोट पुगेको छ ।

सीमा छोडेर सदरमुकाम सिमकोट आईपुगेका प्रहरीचौकी जेठ महिनामा फिर्ता हुनेछन् ।

सशस्त्र प्रहरी हिल्साको सीमा सुरक्षामैै रहने                       चीनसँग सीमा जोडिएको हुम्लाको हिल्सा नाकामा चिसो बढेपनि सश्स्त्र प्रहरीको बोर्डर आउट पोस्ट बिओपी टोली बन्दोवस्ती रहित सुरक्षामै बसेको छ ।

नाम्खा गाउँपालिका–५ को हिल्सा नाका र चीनको सीमा नाकामा सशस्त्रका इन्स्पेक्टर सुरज केसीको नेतृत्वको २२ जना टोली हिँउदको समयमा पनि हिल्सामै बस्ने भएको छ । सीमा सुरक्षामा खटिएको प्रहरीचौकी हिल्साबाट सारिएपनि सश्स्त्र प्रहरी इन्स्पेक्टर केसीको नेतृत्वको २२ जना १२ जना स्थानीयबासी मात्रै हाल हिल्सा नाकामा बसेको पाईएको छ ।

सम्बन्धित

————————————————————–

————————————————————–

प्रधान सम्पादक

पदम राज हमाल

९८४८७३५९९१

————————————————————–

कानुनी सल्लाहकार

राजन चन्द

 

=====================================================================================================================================================================================================================================================================================================================================================

Twitter

Facebook

 

खबर सबैको मल्टिमिडिया प्रा.लि, सिमकोट – ५, हुम्ला
सुचना विभाग दर्ता नंः   १७५६

 विज्ञापन तथा सुचनाका लागि :

इमेलः [email protected]

सम्पर्क नंः ९८४८१३९४९७