About Contact Links
Close
बिज्ञापन
वीरेन्द्रनगरका छाडा चौपाया हुम्ला खार्पुनाथको कृषि फार्ममा

नरजन तामाङ  शुक्रबार, पौष २४, २०७७ मा प्रकाशित

कर्णाली प्रदेशको राजधानी वीरेन्द्रनगरको सडक, बजार तथा अन्य खुला क्षेत्रमा वेवारिसे अवस्थामा रहेका चौपायाहरुलाई हुम्ला खार्पुनाथ गाउँपालिकाका केही व्यक्तिहरुले आयआर्जनका लागि प्रयोग गर्ने भएका छन् । यसबाट निम्नस्तर तथा दलित परिवारका मान्छेहरुलाई सहयोग पुग्ने भएको छ ।
पटक पटक सुर्खेत लगायतका नेपालका अन्य स्थानबाट कृषि प्रयोजनका लागि भन्दै यस्ता चौपायाहरुलाई हुम्लामा पुगाइएको विभिन्न तथ्य फेला परेको छ । यस अघि पनि यस्ता कामका लागि हुम्लाका विभिन्न गाउँपालिकाहरुका वडा अध्यक्षहरुबाट छाडा पशुवस्तु हुम्लामा ल्याउनका लागि सिफारिश गर्ने गरिएको छ । यस्तै खार्पुनाथ गाउँपालिका वडा नं ५ का वडा अध्यक्ष भीमबहादुर शाहीले स्थानीय दलीतहरुका लागि सिफारिश गरिएको स्वीकार गरेका छन् ।
उनले भने यसबाट हुम्लाका दलीतहरुको आयस्तरमा वृद्धि हुने आषा गरिएको छ । उनीहरुले यस अघि पनि पटक पटक यस्तो काम गर्ने जानकारी दिएका छन् ।
उच्च अदालत वीरेन्द्रनगर सुर्खेतले पनि यस्ता छाडा पशु चौपाया व्यवस्थापनलाई छिटो तह लगाउनका लागि आदेश पनि दिइसकेको छ । यसै आदेशलाई कार्यान्वयन गर्नका लागि वीरेन्द्रनगर पालिका सुर्खेतले पहिलो चरणमा हुम्लामा पठाउनका लागि एक सय छाडा पशु चौपाया विशेषतः गाईहरु हुम्ला पठाउन अनुमति दिएको छ ।
खार्पुनाथ गापा वडा नं ५ का मोतीराम्या कामीले उक्त गाई हुम्ला ल्याउनका लागि सबै प्रक्रिया पुरा गरेर हिंडाएका छन् । उनले नगपालिकालाई आफुले तीन महिनमा हुम्ला खार्पुनाथमा रहेको कृषि फार्ममा एक सय गाई पुगाउने बाचा कबुल गरेको वीरेन्द्रनगर पालिकाका वातावरण तथा अनुगमन उपशाखाका प्रमुख यामलाल गिरीले जानकारी दिए ।

सम्बन्धित

Skip

प्रधान सम्पादक

पदम राज हमाल

९८४८७३५९९१

 

कानुनी सल्लाहकार

राजन चन्द

 

 

Twitter

Facebook

 

खबर सबैको मल्टिमिडिया प्रा.लि, सिमकोट – ५, हुम्ला
सुचना विभाग दर्ता नंः   १७५६

 विज्ञापन तथा सुचनाका लागि :

इमेलः [email protected]

सम्पर्क नंः ९८४८१३९४९७