खड्क सुनार, मुगु् आइतबार, साउन १५, २०७९
कर्णालीका मुगु र जुम्ला एकै दिन छुट्टा–छुट्टै सवारी दुर्घटनामा परी तीनको मृत्यु भएको छ, भने ६ जना घाइते भएका छन् । जिल्लाको छाँयानाथ रारा नगरपालिका–१३ रुगा गाउँबाट कर्णाली तिर आउँदै गरेको लु ४ च ६७६२ नम्बरको टयाक्टर दुर्घटना हुँदा छाँयानाथ रारा नगरपालिका १३ का अन्दाजि २५ वर्षीय लोकेन्द्र लावडको मृत्यु भएको जिल्ला प्रहरी कार्यालय मुगुले जनाएको छ ।
प्रहरीका अनु्सार आइतबार विहान ९ बजे रुगाबाट कर्णालीतिर आउँदै गरेको ट्याक्टर सडकबाट २५ मिटर तल खसेरको थियो । उक्त दुर्घटनामा ट्याक्टरका चालकसहित अन्य पाँच जना घाइते भएका छन् । उनीहरुको जिल्ला अस्पतालमा ठिनीमा उपचार भइरहेको र स्वास्थ्य अवस्था सामान्य रहेको जिल्ला प्रहरी कार्यालयका डीएसपी सुभाष हमालले जानकारी दिए ।
त्यस्तै जुम्लाबाट मुगु आउँदै गरेको लु १ ज ३७५४ नम्बरको जीप जुम्लाको कनकासुन्दरी गाउँपालिका–१ बुलबुलेमा दुर्घटना हुँदा छाँयानाथ रारा नगरपालिका–२ का २५ वर्षीय दीपक तिरुवाको घटनास्थलमै मृत्यु भएको छ । यसका साथै गम्भीर घाइते सवारी चालक दल बहादुर बुढाको पनि कर्णाली स्वास्थ्य विज्ञान प्रतिष्ठान जुम्लामा उपचारका क्रममा मृत्यु प्रमुख जिल्ला अधिकारी रोम बहादुर महतले बताए ।
यहाँ कमेन्ट गर्नुहोस्