खबरसबैको, काठमाडौं शुक्रबार, आश्विन २१, २०७९
एमालेबाट टिकट नपाउने भएपछि एमाले निवर्तमान सांसद गंगा चौधरीले स्वतन्त्र उम्मेदवार बन्ने घोषणा गरेकी छिन् । केही समय अघि सामाजिक सञ्जालमा एक स्टाटस लेख्दै स्वतन्त्र उम्मेदवार भएर जनताको बीचमा आउन लागेको बताएकी हुन् । उनी एमालेबाट दाङ १ को उम्मेदवार बन्न खोजेकी थिईन ।
सो क्षेत्रबाट एमालेले पोलिटव्युरो सदस्य तथा संसदीय दलकी सचेतक शान्ता चौधरीलाई उम्मेदवार बनाउने थाहा पाएपछि गंगाले स्वतन्त्र उम्मेदवार बन्ने घोषणा गरेकी हुन ।
‘आज मैले ठीक निर्णय गरे या बेठीक मलाई थाहा छैन । राष्ट्र र राष्ट्रियताको लागि म सधैं लागिरहनेछु । जनता भगवान हुन, जनता नै सर्वोपरी हुन । देशलाई शीरमाथि राखेर आज स्वतन्त्र उम्मेदवार भएर जनताको बीचमा आउँदैछु, हजुरहरुको साथ चाहिएको छ’ उनले लेखेकी छिन् ।
चौधरी २०७४ मा एमालेको उम्मेदवार बनेर समानुपातिक सांसद भएकी थिइन । त्यस अघि उनी पहिलो र दोस्रो संविधानसभामा थरुहट पार्टीबाट समानुपातिक सभासद् भएकी थिईन ।
यहाँ कमेन्ट गर्नुहोस्