About Contact Links
Close
बिज्ञापन
हुम्लाकाे अदानचुली गा.पा.मा सामाजिक सुरक्षा भत्ता भुक्तानी बैंक मार्फत

Khabarsabaiko सोमबार, पौष ०९, २०७५ मा प्रकाशित

राज शाही,

हुम्ला ९ पौष

हुम्लाको सदरमुकाम सिमकोट बाट ४१ काेष दक्षिणमा अवस्थित अदानचुली गाउँपालिकाले सामाजिक सुरक्षा भत्ता र बाल अनुदान सेवाग्राहीहरुको खाता खोलेर एकाउट पेमेन्ट गरिने भएको छ । पालिको केन्द्र श्रीनगरमा जनता बैंकको शाखा स्थापना भई संचालनमा आएपछि पालिकाले यो प्रर्णालीको सुरुवात गर्ने भएको छ । पहिलो चरणमा गाउँपालिका भरिका सामाजिक सुरक्षा भत्ता र वाल अनुदान पाउने सेवाग्राहीहरुको अद्याबधिक गर्ने कार्य सुरु भएको र यो महिना भरिमा सबै सेवाग्राहीहरुको बैंकमा खाता खोल्नका लागि सुचना प्रकाशित गरिएको पालिकाका प्रमुख प्रशासकीय अधिकृत रमाकान्त पाण्डेले जानकारी दिए । सेवाग्राहीको नाम अद्याबधिक गर्ने काम वडा नम्बर १ वाट सुरु गरिएको र अबको दश दिनमा नामावली अद्याबधिक तथा कम्प्युटरमा इन्ट्री गर्ने कार्य सम्पन्न गरेर खाता संचाल तथा बैंक मार्फत भुक्तानी गर्ने कार्य सुरु गरिने उहाँले बताउनुु भयो । पालिकाको यो कार्यले आर्थिक पारदर्सीता र सेवाग्राहीलाई सहज हुने पालिका अध्यक्ष दल फडेराले बताउनुु भयो । यसले पालिका भरिका सामाजिक सुरक्षा भत्ता पाउनु पर्ने नछुट्ने र कोही पनि नदोहोरिने भएको हुँदा आर्थिक पारदर्सिता कायम हुने उहाँले बताउनुु भयो ।

नेपाल सरकारले ७० बर्ष भन्दा माथिका जेष्ठ नागरिकलाई मासिक चार हजार, कर्णालीका साठी बर्ष नाघेका लागि मासिक दुई हजार र पाँच बर्ष मुनीका वालवालिकाहरुलाई मासिक चार सय रुपियाँ अनुदान दिदै आएको छ । यसरी बैंक मार्फत सामाजिक सुरक्षा भत्ता भुक्तानी गर्ने अदानचुली गाउँपालिका पहिलो गाउँपालिका हुने भएको छ ।

सम्बन्धित

————————————————————–

————————————————————–

प्रधान सम्पादक

पदम राज हमाल

९८४८७३५९९१

————————————————————–

कानुनी सल्लाहकार

राजन चन्द

 

=====================================================================================================================================================================================================================================================================================================================================================

Twitter

Facebook

 

खबर सबैको मल्टिमिडिया प्रा.लि, सिमकोट – ५, हुम्ला
सुचना विभाग दर्ता नंः   १७५६

 विज्ञापन तथा सुचनाका लागि :

इमेलः [email protected]

सम्पर्क नंः ९८४८१३९४९७