०१ कार्तिक २०७८, सोमबार

प्रधानमन्त्री ओली डावोसमा आज जाँदै

Khabarsabaiko आइतबार, माघ ०६, २०७५

अर्जुन बोहरा काठमाडौं माघ ६गते
प्रधानमन्त्री केपी शर्मा ओली विश्व आर्थिक मञ्च (वर्ल्ड इकोनोमिक फोरम) को वार्षिक बैठकमा सहभागी हुन आइतबार स्विट्जरल्यान्डको डावोस जाँदै छन्।
नेपाली प्रतिनिधि मण्डलको नेतृत्व गर्दै प्रधानमन्त्री ओली आइतबार साँझ ८ बजे कतार एयरवेजमार्फत त्यसतर्फ जान प्रधानमन्त्रि निजी सचवालयले बताएको छ । विश्वव्यापीकरण र उदार अर्थव्यवस्थाको पक्षमा वकालत गर्ने विश्व आर्थिक मञ्चले करिब पाँच दशकदेखि निरन्तर आयोजना गरिरहेका डावोस बैठकमा प्रधानमन्त्रीस्तरमा नेपालको लागि पहिलो पटक हो । जनवरी २२ मा ’स्ट्राटेजिक आउटलुक अन साउथ एसिया’मा प्रधानमन्त्री ओलीले नेपालको तर्फबाट धारणा राख्नेछन्। त्यस्तै ओलीले जनवरी २३ मा ‘सेपिङ दी फ्युचर अफ डेमोक्रेसी’ शीर्षकमा नेपालको तर्फबाट सम्बोधन गर्ने कार्यक्रम छ।
प्रधानमन्त्री ओली डावोस बैठकमा दुई सत्रहरुमा प्लानलिष्टका रुपमा सहभागी हुनुका साथै उनले त्यहा विभिन्न नेता र बहुराष्ट्रिय कम्पनीका कार्यकारीसँग साइटलाइन मिटिङ र अनौपचारिक छलफल गर्ने कार्यक्रमपनि रहेको परराष्ट्र मन्त्रालयले जनाएको छ ।

यहाँ कमेन्ट गर्नुहोस्