About Contact Links
Close
बिज्ञापन
कालिकोटका अग्निपीडितलाई राहत

Khabarsabaiko बुधबार, माघ २३, २०७५ मा प्रकाशित

हिक्मत नेपाली, कालिकोट ।
दैलेखको सामाजिक सेवा केन्द्र (सोसेक) नेपाल दैलेखले कालिकोटका अग्निपीडित परिवारलाई राहत प्रदान गरेको छ । संस्थाका उपाध्यक्ष विर बहादुर नेपाली, बाल अधिकार अनुगमन अधिकृत प्रभा कुमार विक सहितको नेतृत्वमा कालिकोटको पलाता गाउँपालिका पुगेको टोलीले राहत सामग्री प्रदान गरेको हो ।
एइआएनको सहयोग, सोसेक दैलेखको आयोजना र पलाँता गाउँपालिकाको समन्वयमा पलाँताको थिर्पुमा आयोजित कार्यक्रममा संस्थाका उपाध्यक्ष विर बहादुर नेपाली, बाल अधिकार अनुगमन अधिकृत प्रभा कुमार विक लगाएतले अग्निपीडित परिवारलाई राहत सामग्री हस्तान्तरण गर्नुभएको हो ।

संस्थाले अग्निपीडित ३२ घरधुरीका लागि १ सय ९१ केजी चिनी, १ सय ९१ केजी आयोडिन नुन, ५ सय १० केजी दाल वितरण गरिएको संस्थाका बाल अधिकार अनुगमन अधिकृत प्रभा कुमार विकले जानकारी दिनुभयो । यस्तै खाने तेल १ सय ६४ लिटर, १ सय ६४ प्याक पिठो, मसला, कोलगेट, ब्रस, साबुन, स्याम्पु लगायतका राहत सामग्री उपलब्ध गराएको छ । राहत प्रदान गर्न कालिकोटको पलाँता गाउँपालिकाको थिर्पु पुग्नुभएका संस्थाका उपाध्यक्ष विर बहादुर नेपालीले दैवी–विपद्का बेला सबैले सहयोग गर्नु नै मानविय धर्म रहेको प्रतिक्रिया दिनुभयो ।
कार्यक्रममा पलाँता गाउँपालिका वडा नं. १ का वडा सहायक बालऋिषी न्यौपाने, अग्निपीडित परिवार, स्थानीय जनप्रतिनिधिहरुको सहभागिता थियो । गत पुस ९ गते राती पलाताको खाडा बस्तीमा आगलागी भएको थियो ।गाउँपालिकाले एकद्वार प्रणालीबाट राहत संकलन तथा वितरण गरिरहेको छ ।

सम्बन्धित

————————————————————–

————————————————————–

प्रधान सम्पादक

पदम राज हमाल

९८४८७३५९९१

————————————————————–

कानुनी सल्लाहकार

राजन चन्द

 

=====================================================================================================================================================================================================================================================================================================================================================

Twitter

Facebook

 

खबर सबैको मल्टिमिडिया प्रा.लि, सिमकोट – ५, हुम्ला
सुचना विभाग दर्ता नंः   १७५६

 विज्ञापन तथा सुचनाका लागि :

इमेलः [email protected]

सम्पर्क नंः ९८४८१३९४९७