About Contact Links
Close
बिज्ञापन
चार दिन देखि सुत्केरी व्यथा लागेकी बुढाको हेलिकप्टर मार्फत उद्धार

दाने बोहरा मंगलबार, साउन २८, २०७६ मा प्रकाशित

हुम्ला
हुम्लाको चंखेली गाउँपालिकाका एक सुत्केरी महिलाको हेलिकप्टरबाट उद्धार गरिएको छ । चंखेली गाउँपालिका वडा तीनका २२ वर्षिया अबकति बुढालाई चार दिन देखि सुत्केरी व्यथा लागेर बच्चा जन्माउन नसकेपछि उपचारको लागी जिल्ला अस्पताल हुम्लामा हेलिकप्टर मार्फत उद्धार गरिएको छ । जिल्ला प्रशासन कार्यालय हुम्लाले महिला मन्त्रालयमा समन्वय गरी सुत्केरी महिला बुढाको उद्धार गरिएको प्रमुख जिल्ला अधिकारी बिनिता भटटराईले जानकारी दिनुभयो । सुत्केरी बुढालाई मनाङ्ग एयरको हेलिकप्टर मार्फत मंगलबार उद्धार गरी जिल्ला अस्पताल हुम्लामा पुराएको छ भने हेलिकप्टरले भाडा एक लाख ६० हजार लिएको जानकारी प्राप्तभएको छ ।

बुढालाई चार दिन देखि सुत्केरी व्यथा लागेता पनि बच्चा पाउन नसकेको जानकारी पाउन साथ उद्धारमा हेलिकप्टर खटाईएको उहाँले जानकारी दिनुभयो ।

बुढालाई जिल्ला अस्पताल पुराए सँगै जिल्ला अस्पतालका डाक्टर सरो परजापति, सिनियर अनमी सरिता बोहरा लगायतको टिमले (भ्याकुम) औजार डेलिभरी गरिएको सिनियर अनमि सरिता बोहराले जानकारी दिनुभयो ।

२२ वर्षिय बुढाले तीन केजि सात सय ग्रामको छोरा जन्माउन सफल भएको अनमि बोहराले जानकारी दिनुभयो । अहिले आमा र छोरा दुबैको अवस्था राम्रो भएको उहाँले जानकारी दिनुभयो ।

चंखेली गाउँपालिका वडा तीनका २२ वर्षिया कत्ति बुढालाई चार दिन देखि सुत्केरी व्यथा लागेता पनि जिल्ला अस्पताल हुम्लाले सकुशल उद्धार गरेको छ । डेलिभरीपछि आमा र छोरा ।
तस्विर : जिल्ला अस्तालका अनमी सरिता बोहरा

सम्बन्धित

————————————————————–

————————————————————–

प्रधान सम्पादक

पदम राज हमाल

९८४८७३५९९१

————————————————————–

कानुनी सल्लाहकार

राजन चन्द

 

=====================================================================================================================================================================================================================================================================================================================================================

Twitter

Facebook

 

खबर सबैको मल्टिमिडिया प्रा.लि, सिमकोट – ५, हुम्ला
सुचना विभाग दर्ता नंः   १७५६

 विज्ञापन तथा सुचनाका लागि :

इमेलः [email protected]

सम्पर्क नंः ९८४८१३९४९७