About Contact Links
Close
बिज्ञापन
हरितालिका तीज पर्व मनाइँदै, हुम्लाको एक मात्रै शिवालयमा महिलाको घुइँचो

दाने बोहरा सोमबार, भाद्र १६, २०७६ मा प्रकाशित

हुम्ला
आज हरितालिका तिज हिन्दू महिलाहरुले उत्सवका रुपमा मनाउँदैछन । सिमकोट गाउँपालिका वडा पाँच रहेको शिवको मन्दिरमा बिहानैदेखि दर्शनार्थी महिलाको घुइँचो लागेको छ । आज व्रत बसी शिव पार्वतीको पूजाआजा गरेमा सुख, शान्ति र कल्याण प्राप्ति हुने धार्मिक विश्वास छ । व्रतालुहरु आज विहानै पूजाआजाका लागि शिव मन्दिरमा पुगेका हुन । दाजुभाइले दिदीबहिनीलाई बोलाएर दर खुवाउने गर्छन । महिलाले वर्ष दिनभर आफूलाई परेका दुःख, पीर, मर्कालाई पोख्ने पर्वका रुपमा समेत तिजलाई उपयोग गर्ने गरेका छन । हिन्दु नेपाली महिलाले मनाउने चाड तीज अन्तर्गत हिजोका दिन दरखाएका थिए ।

हिजो दर खाने दिनदेखि हरितालिका तीज सुरु हुन्छ । टाढाका चेलीबेटी यस दिन माइतीघर वा आफन्तकहाँ मिठा मिठा खानेकुरा सहित , फलफूल लगायतका मिठा परिकारलाई दरको रुपमा खाने गर्दछन् । दर खाएको भोलीपल्ट आज निराहार ब्रत बस्ने भएकाले त्यसको आडका लागि अघिल्लो साँझ पौष्टिक भएको खानेकुरा खाने चलन रहेको छ ।

हरितालिका तीजका बेला पानीसमेत नखाई ब्रत बस्ने र धेरै नाचगान गरिने हुनाले शक्ति आवश्यक हुन्छ । परापूर्व कालमा देवी पार्वतीले शीवलाई स्वामी पाउँ भनि निराहार ब्रत बसेको र उनको कामना पूरा भएको विश्वासका आधारमा राम्रो पति पाउन र विवाहितहरुले पतिको सुस्वास्थ्य, दीर्घायु र प्रगतिको कामना गर्दै ब्रत बस्ने चलन रहेको छ ।

सम्बन्धित

————————————————————–

————————————————————–

प्रधान सम्पादक

पदम राज हमाल

९८४८७३५९९१

————————————————————–

कानुनी सल्लाहकार

राजन चन्द

 

=====================================================================================================================================================================================================================================================================================================================================================

Twitter

Facebook

 

खबर सबैको मल्टिमिडिया प्रा.लि, सिमकोट – ५, हुम्ला
सुचना विभाग दर्ता नंः   १७५६

 विज्ञापन तथा सुचनाका लागि :

इमेलः [email protected]

सम्पर्क नंः ९८४८१३९४९७