Share this:

" /> पर्यटकिय प्रवद्र्धनका लागी याल्वाङ्ग लिमी महोत्सव सुरु – Khabarsabaiko
About Contact Links
Close
बिज्ञापन
पर्यटकिय प्रवद्र्धनका लागी याल्वाङ्ग लिमी महोत्सव सुरु

दाने बोहरा सोमबार, आश्विन ०६, २०७६ मा प्रकाशित

हुम्ला
हुम्लाको उत्तरी नाम्खा गाउँपालिकामा आजबाट याल्वाङ्ग, लिमी महोत्सव सुरुभएको छ । गत वर्ष देखि नाम्खा गाउँपालिकाले आन्तरीक तथा बाह्रय पर्यटक भित्रयाउनका लागी महोत्सवको आयोजना गर्दै आएको छ । पर्यटकिय क्षेत्रको ठूलो संभावना बोकेको हुम्लाको नाम्खा गाउँपालिकाले दोस्रो संस्करणको रुपमा सोमबारदेखि याल्वाङ लिमी महोत्सब सुरु भएको गाउँपालिका अध्यक्ष विष्णु बहादुर लामाले बताए ।
महोत्सवको मुख्य उद्दश्य आन्तरिक तथा बाह्य पर्यटकहरुलाई नाम्खा गाउँपालिकामा रहेका पाँचवटै वडाका स्थानीय पुराना मौलिख भेषभुषा, साँस्कृति झाँकीको पनि पर्दशन गरेका थिए ।

स्थानीय जातका लोपोन्मुख जछिबुटी, सहित धार्मीक प्रचार,प्रसार र उच्च हिमाली क्षेत्रमा पाईने पशुबस्तु लगायतको प्रचारका लागी यो महोत्सवको आयोजना गरिएको गाउँपालिका अध्यक्ष लामाले जानकारी दिए ।

याल्वाङ्ग महोत्सवमा मुख्य आकर्षकको रुपमा स्थानीय अर्गानिक अन्नपातका परिकारहरु विशेष गरेर मिठेर तिते फापरको रोटी, ढिडो, चिनोे चामलको भात र खीर, चौरी घ्यु, नौनी, छुर्पी, नाफलको रोटी, उवा सातु, सिस्नुको फाँडो, हिमाली उच्च क्षेत्रमा पाईने सिमीको दाल, जिम्बुको स्वाद लिन पाइने व्यवस्था गरिएको छ ।

महोत्सवमा विभिन्न स्टलहरुमा स्थानीय पहिरन, हातले बुनेका कपडाहरु, काष्टकला, तथा अन्य आकर्षक सामाग्रीहरु पनि प्रर्दशन गरीएको थियो ।

यो महोत्सवको आयोजक नाम्खा गाउँपालिका रहेको छ भने केही आर्थिक सहयोग इसिमोड र नेपाल पर्यटनबोर्डले गरेका छन् ।

गत वर्ष पहिलो संस्करणको रुपमा उक्त गा.पाको लिमीमापनि यस्तै महोत्सवको आयोजना गरीएको थियो ।

सो महोत्सवमा तामझामका साथ हेलिकप्टरबाट कर्णाली प्रदेशका मुख्यमन्त्रीदेखि मन्त्री र सांसदहरुलाई हेलिकप्टर यात्रा गराउँदा उनीहरुले ठुलो आश्वासन दिएपनि १५ लाखको व्ययभार नाम्खा गाउँपालिकाको टाउकामै थोपरीयो । यस पटक उक्त पाठबाट स्थानीय पाहुनाहरुलाई मात्र निमन्त्रणा गरी खर्च घटाईएको गाउँपालिका स्रोतले बताएको छ ।

महोत्सव मुल समारोहका संयोजक नाम्खा गा.पाका अध्यक्ष विष्णु बहादुर लामा रहेका छन् भने सांस्कृतिक संयोजकमा वडा नम्बर ६ लिमीका अध्यक्ष पाल्जोर लामा लाई जिम्मा दिईएको छ । यसैगरी व्यवस्थापनको संयोजक वडा दुईका अध्यक्ष दाब्ला लामा लाई दिईएको छ ।

उक्त महोत्सवमा हुम्लाका सांसद छक्क बहादुर लामा, जिल्ला समन्वय समितीका प्रमुख दान बहादुर रावत, सिमकोट गापाका अध्यक्ष पदम बहादुर लामा, लगायत छिमेकी गापाका स्थानीयहरुको पनि बाकलो सहभागीता रहेको थियो ।

उक्त महोत्सवमा प्रमुख जिल्ला अधिकारी बिनीता भटटराइ लगायत विभिन्न सरकारी तथा गैर सरकारी कार्यालय प्रमुख तथा प्रतिनिधिहरुको पनि सहभागीता रहेको छ ।

यसैगरी नेकपाका केन्द्रिय सदस्य विजय भण्डारी लगायत विभिन्न राजनितीक दलका नेता तथा कार्यकर्ता, सञ्चारकर्मीको उपस्थित रहेको थियो ।

गाउँपालिका केन्द्रको याल्वाङ चौरमा टेण्टको व्यवस्था गरेर महोत्सव सञ्चालन गरिएको वडा दुईका अध्यक्ष लामाले जानकारी दिए ।

सम्बन्धित

Skip

प्रधान सम्पादक

पदम राज हमाल

९८४८७३५९९१

 

कानुनी सल्लाहकार

राजन चन्द (डम्मर)

 

 

Twitter

Facebook

 

खबर सबैको मल्टिमिडिया प्रा.लि, सिमकोट – ५, हुम्ला
सुचना विभाग दर्ता नंः   १७५६

 विज्ञापन तथा सुचनाका लागि :

इमेलः [email protected]

सम्पर्क नंः ९८४८१३९४९७