About Contact Links
Close
बिज्ञापन
घाईतेको २० घण्टा पछि उद्धार,नेकपाबाट एकलाख सहयोग उपचारखर्च सरकारले गर्ने मन्त्रीरावल

दाने बोहरा बिहिबार, मंसिर १२, २०७६ मा प्रकाशित

हुम्ला
हुम्लाको उत्तरी गाउँपालिका नाम्खाको सल्लीबाट सामान ढुवानी गरीरहेको लु.४ ख ३२६९ नंबरको ट्रिपर दुर्घटना हुँदा घाईतेका २० घण्टा पछि नेपाली सेनाको हेलिकोप्टरबाट आज उद्धार गरिएको छ । घाईते भएका १३ जना मध्ये सिमकोट गाउँपालिका वडा नं. ६ का बक्त रोकायाको हुम्ला जिल्ला अस्पतालमा उपचारको क्रममा नै मृत्यु भएको र मृतकको संख्या ४ पुगेको छ ।

हिजो दिउसो २ बजे दुर्घटना भएको ट्रिपरमा ४ जनाको मृत्यु भईसकेको छ । मृत्यु हुनेमा नाम्खा गाउँपालिका वडा नं. १, हेप्का गाउँका छिरिङ्ग कर्मा तामाङ्ग, नरी लामा, खार्पुनाथ १ का बबरजंग शाही रहेका छन् । अहिले मृतकको पोष्टमार्टम जिल्ला अस्पतालमा भईरहेको छ । मृतकलाई पोष्टमार्टम पछि आफन्तलाई दाहसंस्कारको लागि बुझाईने जिल्ला अस्पताल स्रोतले जानकारी दिएको छ । चालकले मदिरा सेवन गरी ट्रिपर चलाईएको प्रारम्भिक लक्षण पाईएको भएता पनि रिपोर्टमा सो नपाईएको र अन्य विवरण नेपाल प्रहरीले अनुसन्धान गरीरहेको हुम्ला जिल्ला प्रहरी प्रमुख राम प्रसाद घर्ती मगरले जानकारी दिनु भयोे । दुर्घटना स्थलको कच्ची सडक खण्डमा २ पटक सडकको उत्तरी र दक्षिण्ी भागमा ट्रिपर ठोकिएको तेस्रो पल्ट दक्षिणी भागको भिरालो खण्डमा खसेको पाईएको छ ।

घाईते हुनेमा नाम्खा गाउँपालिका वडा नं. १ का नाम्गेल लामा, नातोक लामा, सिन्दार तामाङ्ग, सिमकोट गाउँपालिका वडा नं. ६ का कपिल रोकाया, खगेन्द्र रावत, कमल रोकाया, सन्तोष सुनार, रामकुमार रोकाया, सिमकोट वडा नं. ७ का नर सुनार, खार्पुनाथ गाउँपालिका वडा नं. ५ का धनसिँह भण्डारी, सर्केगाड गाउँपालिका वडा नं. २ का अंग फडेरा र चालक आनन्द तामाङ्ग गरी १२ जना घाईते भएका थिए । घाईते मध्ये ११ जनाको नेपालगञ्ज तर्फ उपचारको लागि लगिएको छ । दुर्घटनामा अन्य क्षतीको विवरण हाल सम्म छानवीनको क्रममा नै रहेको बताईएको छ । घाईतेको अधिकाँशको अवस्था गम्भिर रहेको छ ।

हुम्ला शोकमग्न, विद्यालय खुलेनन्

४ जनाको दुर्घटनामा मृत्यु भए पछि मृतकका आफन्त र सिँगो हुम्ला जिल्ला नै शोक मग्न भएको छ । जिल्ला अस्पतालबाट निवृत्त रहेका मृतक बक्त रोकाया, भरखरै हिल्सा सिमकोट सडक खण्डमा १ महिना अगाडी मात्रै नियुक्त भई फिल्डमा नाम्खा गाउँपालिकामा गएका प्राविधिक बबरजंग शाही, २ जना नाम्खा गाउँपालिका वडा नं. १ का २ जनाको मृत्यु हुँदा हुम्ला जिल्ला नै शोक मग्न रहेको छ । कलिलै उमेरमा भरखर सेवा प्रवेश गरेका बबरजंग शाहीलाई गुमाउनु पर्दाको क्षण अति नै कहाली लाग्दो रहेको मृतकका आफन्त जीवन बहादुर शाहीले बताउनु भयो ।

मृतकको दाहसंस्कारको लागि स्थानिय सिमकोटमा रहेका विद्यालयमा अध्ययनरत विद्यार्थी विद्यालयमा उपस्थित नहुँदा विद्यालयको पठन पाठन समेत प्रभवित भएको छ । सिमकोटमा रहेका ३ वटा सरकारी र २ वटा निजी बोर्डिङ्ग स्कुलमा आज अघोषित नै विदा भएको छ । मृतकका आफन्तजन जिल्ला अस्पताल सिमकोट परिसरमा भेला भएका छन् भने घाईते विरामीका आफन्तको रुवावासी नै चलेको छ । सिमकोटका अघिकाश बस्तीमा सुनसान छाएको छ ।

घाईतेको उपचारको लागि नेपाल कम्युनिष्ट पार्टी (नेकपा), हुम्ला जिल्लाले एकमृष्ठ १ लाख नगद सहयोग कर्णाली प्रदेश अध्यक्ष गोरख बहादुर बोगटी मार्फत जिल्ला समन्वय समितिका अध्यक्ष दान बहादुर रावतलाई प्रदान गरिएको छ । त्यसै गरी कर्णाली प्रदेश सरकारका सामाजिक विकास मन्त्री दल रावलले १० हजार प्रदान गरेको र घाईतेको उपचार कर्णाली प्रदेश सरकारले नै गर्ने मन्त्री रावलले बताउनु भयो । हुम्लामा यस्तो कहाली लाग्दो दुर्घटनाले आफु दुःखी भएको घाईतेको चाँडो भन्दा चाँडो स्वास्थ्य सुधारको कामना मन्त्री रावलले गर्नु भयो ।

सम्बन्धित

Skip

प्रधान सम्पादक

पदम राज हमाल
मो.नंः ९८४८७३५९९१
http://www.padamhamal.com.np

कोरोना संदेश

Twitter

Facebook

हाम्रो बारेमा

खबर सबैको मल्टिमिडिया प्रा.लि, सिमकोट – ५, हुम्ला
सुचना विभाग दर्ता नंः   १७५६

 

 विज्ञापन तथा सुचनाका लागि :

इमेलः [email protected][email protected]

 

फोन नंः ९८४८७३५९९१