About Contact Links
Close
बिज्ञापन
बाँकेमा १६ जना कोरोना संक्रमित भेटिएपछि

खबर सबैको आइतबार, बैशाख २१, २०७७ मा प्रकाशित

कर्णाली प्रदेशको छिमेकी जिल्ला बाँकेमा १६ जना कोरोना संक्रमित भेटिएपछि कर्णाली कोरोनाको उच्च जोखिममा देखिएको छ । भारतसंग सिमाना जोडिएको नेपालगंजमा संक्रमितको संख्या बढिरहेको छ । भारतबाट पैदलै हिडेर हजारौंको संख्यामा कर्णालीका नागरिक घर फर्किएका छन् । उनीहरुको कुनै चेकजाँच गरिएको छैन । भारतबाट फर्किएका सबै नागरिकको कोरोना परीक्षण हुन सकेको छैन । पहिलो र दोस्रो लकडाउनमा पैदलै र उद्दार गरिएका सात हजारबढी नागरिक घर फर्किएको तथ्याङ्क प्रहरीसंग रहेको छ ।

कर्णालीमा ५५ सय जना नागरिकको मात्रै कोरोना परिक्षण गरिएको छ । किट अभाव हुँदा कर्णालीको कोरोना परीक्षण दुई सातादेखि अवरुद्ध हुन पुगेको छ । लकडाउनकै क्रममा देशभित्र र बाहिरबाट मात्रै एक साता अगाडी आठ हजार नागरिकलाई बबई नाका भएर कुनै परीक्षण नगरी घर फर्किकाईएको छ । यो संगै करिव १५ हजारबढी नागरिक घर फर्काइएको छ । उनीहरुको परीक्षण हुन सकेको छैन । तथ्याङ्क प्रस्ट नराखिएको हुँदा कोरोना परीक्षणमा अन्यौलता छाएको छ ।

नेपालगञ्जमा १६ जना संक्रमति
बाँकेको नेपालगञ्जमा आइतबार साँझ थप ६ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालय स्रोतका अनुसार भेरी अस्पतालमा गरिएको परीक्षणमा उनीहरुमा कोरोना संक्रमण देखिएको हो । यसअघि आइतबारनै मन्त्रालयले ९ जनामा कोरोना संक्रमण भएको जानकारी दिएको थियो । यो संगै नेपालगञ्जमा कोरोना संक्रमितको संख्या १६ जना पुगेको छ ।

नेपालगञ्जमा गरिएको परीक्षणमा उनीहरुमा संक्रमण पुष्टि भएको हो । आइतबार नै पर्साको वीरगञ्जमा एक जना संक्रमित भेटिएका थिए । नेपालगञ्ज र वीरगञ्ज गरी आइतबार एकै दिन नेपालमा १६ जना कोरोना संक्रमित भेटिएका हुन् । यो संगै नेपालमा कोरोना संक्रमितको संख्या ७५ पुगेको छ । १९ वैशाखमा बाँकेका एक पुरुषमा कोरोना संक्रमण पुष्टि भएको थियो ।

उनको सम्पर्कमा आएका परिवारका ७ सदस्य सहित ९० जनाको नमुना संकलन गरी प्रयोगशालामा परीक्षण गरिएको थियो । त्यसमध्ये अहिलेसम्म १५ जनामा रिपोर्ट पोजेटिभ आएको छ । उनीहरु सबैलाई खजुरास्थित सुशील कोइराला प्रखर क्यान्सर अस्पतालमा उपचार गरिनेछ ।

सम्बन्धित

————————————————————–

————————————————————–

प्रधान सम्पादक

पदम राज हमाल

९८४८७३५९९१

————————————————————–

कानुनी सल्लाहकार

राजन चन्द

 

=====================================================================================================================================================================================================================================================================================================================================================

Twitter

Facebook

 

खबर सबैको मल्टिमिडिया प्रा.लि, सिमकोट – ५, हुम्ला
सुचना विभाग दर्ता नंः   १७५६

 विज्ञापन तथा सुचनाका लागि :

इमेलः [email protected]

सम्पर्क नंः ९८४८१३९४९७